സ്വയം ഇങ്ങനെ നീറിപ്പുകയുന്നത് എന്തിനാണ്? പലപ്പോഴും അവന്‍ ചിന്തിച്ചിട്ടുള്ളതാണ്... എന്നാലും ഈ പുക അവന്റെ ഏകാന്തതയിലെ തോഴനാണ്, പ്രശ്നങ്ങളില്‍ നിന്നും ഒഴിവാകാനുള്ള ആശ്വാസത്തിന്റെ വഴിയാണ്!
എട്ടാം ക്ളാസില്‍ പഠിക്കുമ്പോള്‍ ഉള്ള ശീലമാണ്. എല്ലാം സ്വയം ഉള്ളിലൊതുക്കാന്‍ വേണ്ടി തുടങ്ങിയ ശീലം. അന്നൊക്കെ അത് പരമ രഹസ്യമായിരുന്നു. ഇന്ന് അവന്‍ വളര്‍ന്നു. ഒരേ പോലെ നീറിപ്പുകയുന്ന ഒട്ടേറെ സുഹൃത്തുക്കളുമുണ്ട്. തനിയേ പുകയുന്നവരോട് തന്റെ ഉള്ളിലെ നീറ്റല്‍ പറഞ്ഞ് ബോറടിപ്പിക്കാതെ ചുണ്ടില്‍ ചിരി വരുത്തിക്കൊണ്ട് പുക വിടുന്ന സംഘത്തിലെ മുഖ്യ അംഗമാണ് അവനും!!
പെട്ടെന്ന് അവന്റെ തോളില്‍ ആരോ സ്പര്‍ശിച്ചു... ഒപ്പം ഒരു ആജ്ഞയും തീ താടാ തടിയാ...
വിരലിന്‍ തുമ്പിലിരുന്ന് പകുതി എരിഞ്ഞടങ്ങിയ സിഗരറ്റ് കുറ്റി അവന്‍ നീട്ടി... ഉള്ളില്‍ പിടിച്ച് നിര്‍ത്തിയ പുക മൂക്കിലൂടെ സ്വതന്ത്രമാവുന്നത് അവന്‍ അറിഞ്ഞില്ലെന്ന് നടിച്ചു.
No comments:
Post a Comment