കഴിഞ്ഞ കുറച്ചു ദിവസങ്ങളായി എന്നും അവളുടെ ശബ്ദം അവന് കേള്‍ക്കാറുണ്ട്. ഇപ്പോള്‍ സ്നോഹപൂര്‍വ്വമുള്ള ആ ഉപദേശം കേള്‍ക്കാതെ വയ്യെന്നായി.
ആരുമില്ലാതിരിക്കുമ്പോള്‍ ഹോസ്റ്റല്‍ മുറിയിലെ ജനലിനരുകിലുള്ള കട്ടിലില്‍ ഇരുന്ന് അവന് ആ ശബ്ദം കേള്‍ക്കാനായി വിളിക്കും. അല്ല ഇനിയിപ്പോള്‍ അരുണ്ടെങ്കിലും അവള്‍ പറയാനുള്ളത് പറയും. അതിനുള്ള അധികാരം അവള്‍ക്കുണ്ടല്ലോ.
എന്നും അവളെ ബുദ്ധിമുട്ടിക്കുന്നതില്‍ അവന് മടുപ്പ് തോന്നിയിട്ടുമില്ല. തോന്നിയിട്ടും കാര്യമൊന്നുമില്ല. ഇത്രയും ആലോചിച്ചു അവന് അക്കങ്ങള്‍ മങ്ങിയ മൊബൈല്‍ ഫോണ്‍ കീപ്പാഡില്‍ വെറുതേ ഒരു നമ്പര്‍ ഞെക്കി കോള്‍ ചെയ്തു. അവളുടെ വാക്കുകള്‍ക്കായി ഫോണ്‍ ചെവിയില്‍ ചേര്‍ത്തു.
--യൂ ആര്‍ നോട്ട് അലൌഡ് ടു മേക്ക് എ കോള്‍, പ്ളീസ് റീച്ചാര്‍ജ് ഇമ്മീഡിയറ്റിലി ടു അവോയിഡ് അണ്‍ഇന്ററപ്റ്റഡ് സര്‍വീസസ്. താങ്ക് യു...
അവന് ചുവന്ന ബട്ടണില്‍ വിലലമര്‍ത്തി....
No comments:
Post a Comment